Որակավորումը` քանդակագործության բակալավր: Ուսման ձևը` առկա, տևողությունը   4   տարի: Ընդունելությունը կատարվում է գծանկարչություն, քանդակ, կոմպոզիցիա առարկաներից մրցութային քննությունների ձևով:

Երևանի գեղարվեստի     պետական     ակադեմիան   քանդակագործության բակալավրի աստիճանի կրթական ծրագրով ստեղծագործող և կատարող մասնագետներ է պատրաստում հաստոցային, մոնումենտալ, անիմալիստական, դեկորատիվ քանդակագործությունների, ինչպես նաև` հարթաքանդակի, դիմաքանդակի, բարձրաքանդակի, խորաքանդակի համար: Ծրագրի նպատակն է կատարելագործել ուսանողների բնորդից քանդակելու, քանդակի կոմպոզիցիաներ անելու ունակությունները, ծանոթացնել  քանդակի տեխնիկաներին և տեխնոլոգիային, քանդակագործական նյութերին և դրանց առանձնահատկություններին: Ուսուցումը տարվում է առաջադրանքների աստիճանական բարդացման մեթոդով:

Քանդակագործություն մասնագիտության գծով արվեստագիտության բա-կալավրի     ավարտական     որակավորման     ատեստացիան     ներառում   է դիպլոմային աշխատանքը և ավարտական պետական քննությունը:

Դիպլոմային աշխատանքի (քանդակ,դիմաքանդակ, անիմալիստական քանդակ, բարձրաքանդակ) թեման, ծավալը, չափերը հաստատում է մասնագիտա-կան ամբիոնը: Ամբիոնի դրական կարծիքի դեպքում այն ներկայացվում է պաշտպանության: Դիպլոմային աշխատանքում արտահայտված պետք է լինեն ուսումնառության 4 տարիների ընթացքում  ուսանողի ստացած գիտելիքները, ինչպես նաև  նրա ինքնուրույն ստեղծագործական և կատարողական ունակությունները: Ամբիոնի որոշմամբ առավել հաջողված դիպլոմային աշխատանքները կարող են կատարվել  նաև քանդակի նյութի վրա: Յուրաքանչյուր դիպլոմնիկին տրվում է ղեկավար, անհրաժեշտության դեպքում նաև բնորդ:
   Ավարտական ատեստավորման քննությունը անց է կացվում հայ և համաշխարհային կերպարվեստի պատմության առավել կարևոր հիմնահարցերի շուրջը: