Որակավորումը՝ գեղանկարչության բակալավր: Ուսուցման ձևը՝ առկա, տևողությունը 4 տարի: Ընդունելության պարտադիր պահանջն է մասնագիտական  նախնական որոշակի պատրաստվածությունը: Գեղանկարչություն մասնագիտության գծով  ուսանողների ընդունելությունը կատարվում է գծանկարչություն, գեղանկարչություն, կոմպոզիցիա առարկաներից քննական մրցութային կարգով:

Երևանի գեղարվեստի պետական ակադեմիան գեղանկարչության բակա-լավրի աստիճանի կրթական ծրագրով ստեղծագործող և կատարող գեղանկարիչներ է պատրաստում հաստոցային գեղանկարչության, բեմանկարչության բնագավառների համար, ինչպես նաև ուսուցիչներ միջին մասնագիտական և միջնակարգ դպրոցներում դասավանդելու համար: Ծրագրի նպատակն է ուսուցանել, գույնի եվ գծի միջոցով կոմպոզիցիոն աշխատանքների ստեղծման ուսանողների ունակությունները, ինչպես նաեվ տիրապետելու գեղանկարչական նյութերի կիրառման տեխնիկաներին: Ուսուցումը տարվում է խնդիրների աստիճանական բարդացման սկզբունքով: