Որակավորումը՝ արվեստագիտության մագիստրոս: Ուսման ձևը՝ առկա: Մագիստրոսի որակավորման աստիճանի կրթական ծրագիրը կազմված է այդ մասնագիտության  բակալավրի ուսումնական (ուսման տևողությունը 4 տարի) և մագիստրական ծրագրերից (ուսման տևողությունը 2 տարի): Երևանի գեղարվեստի պետական ակադեմիան մագիստրոսի աստիճան ունեցող մասնագետներ է պատրաստում կերպարվեստի տարբեր ոլորտների, մասնավորապես՝ հաստոցային գեղանկարչության, բեմանկարչության, ստեղծագործական – հետազոտական, ուսումնա – մեթոդական, ստեղծագործական վերականգնողական, ազգային և համաշխարհային կերպարվեստի զարգացման փորձի ուսումնասիրման,  ընդհանրացման, գեղագիտական դաստիարակության և այլ ոլորտների համար:

Մագիստրոսի կրթական ծրագիրը ներառում է վիզուալ ընկալման տեսությունը, գեղանկարչական նյութերի միջոցով կոմպոզիցիոն բարդ կտավների ստեղծման մասնագետի ունակությունների զարգացումը, կերպարվեստի նշանավոր գործերի կրկնօրինակումը և այլն:

Որակավորումը քանդակագործության մագիստրոս: Ուսման ձևը` առկա, տևողությունը   2   տարի: Մագիստրոսի աստիճանի կրթական ծրագիրը կազմված է այդ մասնագիտության պատրաստման բակալավրի (տևողությամբ 4 տարի) և մագիստրոսի (տևողությունը 2 տարի) կրթական ծրագրերից:

Երևանի   գեղարվեստի     պետական     ակադեմիան   արվեստագիտության
մագիստրոսի աստիճանի կրթական  ծրագրի միջոցով բարձր որակավորման ստեղծագործող մասնագետներ է պատրաստում հաստոցային և մոնումենտալ քանդակա•ործության, պատմամշակութային բարձր արժեք ներկայացնող քանդակների վերականգնման, ինչպես նաև մշակույթի ոլորտի գիտահետազոտական աշխատանքների կատարման համար:

Մագիստրական ծրագիրը կազմված է ինչպես մասնագիտական, այնպես էլ տեսական- հետազոտական բաժիններից:

Մագիստրոսի աստիճանի ավարտական աստեստավորումը (ըստ ուսանողի նախասիրության) կատարվում է մագիստրական թեզի կամ ստեղծա-գործական բարդ կոմպոզիցիոն աշխատանքի պաշտպանության ձևով:

Կոմպոզիցիոն աշխատանքի կատարման դեպքում  շրջանավարտը ներկայացնում է ընդարձակ բացատրագիր կամ  թեմայի հետ առնչվող հետազոտական ուսումնասիրություն (գրավոր): Ավարտական աշխատանքում պետք է արտահայտված լինեն ուսանողի ոչ միայն ակադեմիական գիտելիքները և ստեղծագործական  կարողությունները,  այլ նաև նրա հետազոտական աշխատանքի  ունակությունները: Մասնագիտական թեզի կամ կոմպոզիցիոն աշխատանքի պատրաստման համար  շրջանավարտին տրվում է ղեկավար, նշանակվում ընդդիմախոս: Անհրաժեշտության դեպքում տրվում է նաև բնորդ: Ավարտական աշխատանքի թեման, նյուրը, ծավալը, չափերը հաստատում է համապատասխան ամբիոնը

Որակավորումը՝ արվեստագիտության մագիստրոս, ուսման ձևը՝ առկա, տևողությունը 2 տարի:

Մասնագիտության հիմնական կրթական ծրագիրը կազմված է բակալավ-րի (ուսման տևողությունը 4 տարի) և մագիստրոսի (ուսման տևողությունը 2 տարի) ուսումնական ծրագրերից: Մագիստրատուրա կարող են ընդունվել տվյալ մասնագիտության բակալավրի աստիճան ունեցող անձիք բուհի կողմից հաստատված մրցույթի կողմից հաստատված մրցույթի կարգով: Մագիստրական ուսումնական ծրագրի նպատակն է ուսանողին տալ ոչ միայն մասնագիտական, այլ նաև տեսական խորը գիտելիքներ, ինչպես նաև նպաստել նրա հետազոտական և փորձարարական, ստեղծագործական մտահաղացումների նոր և ինքնատիպ լուծումներ գտնելու ունակությունների զարգացմանը:

Մագիստրական ծրագրով Երևանի գեղարվեստի պետական ակադեմիան մասնագետներ է պատրաստում գորգարվեստի, խեցեգործական արվեստի ոլորտների հեղինակային – ստեղծագործական, հետազոտական, փորձարարական,       փորձագիտական,       ուսումնա  –  մեթոդական   բարձր որակավորման աշխատանքների համար:

Մագիստրական ծրագիրը կազմված է ինչպես մասնագիտական, այնպես էլ տեսական-հետազոտական բաժիններից:

Մագիստրոսի աստիճանի ավարտական ատեստավորումը ըստ ուսանողի նախասիրության, կատարվում է մագիստրական թեզի կամ ստեղծագործական բարդ կոմպոզիցիոն աշխատանքի պաշտպանության ձևով: Կոմպոզիցիոն աշխատանքի պաշտպանության դեպքում շրջանավարտը ներկայացնում է նաև ընդարձակ բացատրագիր կամ ներկայացված գործի հետ առնչվող հետազոտական ուսումնասիրություն (գրավոր): Ավարտական աշխատանքում պետք է արտահայտված լինեն ուսանողի ոչ միայն մասնագիտական ակադեմիական գիտելիքները և ստեղծագործական կարողությունները, այլ նաև հետազոտական աշխատանքի ունակությունները: Ավարտական աշխատանքի թեման, ծավալը, չափերը հաստատում է մասնագիտական ամբիոնը: Դիպլոմնիկին տրվում է նաև դիպլոմային աշխատանքի ղեկավար, նշանակվում ընդդիմախոս:

Որակավորումը՝ դիզայնի մագիստրոս, ուսման ձևը՝ առկա, տևողությունը 2 տարի:

Մասնագիտության հիմնական ծրագիրը կազմված է բակալավրի (ուսման տևողությունը 4 տարի) և մագիստրոսի (ուսման տևողությունը 2 տարի) կրթական ծրագրերից: Մագիստրատուրա կարող են ընդունվել տվյալ մասնագիտության բակալավրի աստիճան ունեցող անձիք բուհի կողմից հաստատված մրցույթի կարգով:

Մագիստրական ուսումնական ծրագրի նպատակն է ուսանողին տալ ոչ միայն մասնագիտական, այլ նաև փորձարարական-հետազոտական գիտելիքներ, զարգացնել նրա ոչ միայն գեղագիտական բարձր չափանիշներին համահունչ ինքնատիպ դիզայներական լուծումներ գտնելու, այլ նաև ստեղծագործական կոլեկտիվում համատեղ աշխատելու ունակությունն ու արտադրական կառավարման կարողությունը:

Մագիստրական ծրագիրը կազմված է ինչպես մասնագիտական, այնպես էլ տեսական-հետազոտական բաժիններից: Մագիստրոսի աստիճանի ավարտական      ատեստավորումը      ըստ      ուսանողի    նախասիրության,  կատարվում է մագիստրական թեզի կամ դիզայներական բարդ նախագծի պաշտպանության ձևով:

Դիպլոմային նախագծի պաշտպանության դեպքում շրջանավարտը ներկայացնում է նաև ընդարձակ բացատրագիր կամ ներկայացված նախագծի հետ առնչվող հետազոտական ուսումնասիրություն (գրավոր); Ավարտական նախագծում պետք է արտահայտված լինեն ուսանողի ոչ միայն մասնագիտական գիտելիքները և ստեղծագործական կարողությունները, այլ նաև հետազոտական աշխատանքի ունակությունները: Ավարտական աշխատանքի թեման, ծավալը, հաստատում է մասնագիտական ամբիոնը: Դիպլոմնիկին տրվում է նաև դիպլոմային աշխատանքի ղեկավար, անհրաժեշտության դեպքում մասնագետ-խորհրդատու, նշանակվում է ընդդիմախոս:

Որակավորման աստիճանը՝ համակարգչային գրաֆիկայի մագիստրոս, ուսման ձևը՝ առկա, տևողությունը 2 տարի: Մագիստրոսի աստիճանի կրթական ծրագիրը բաղկացած է բակալավրի (տևողությունը 4 տարի) և մագիստրոսի (տևողությունը 2 տարի) աստիճանների կրթական ծրագրերից:

Մագիստրատուրա կարող են ընդունվել մասնագիտության գծով բակա-լավրի աստիճան ունեցող անձիք բուհի կողմից մշակված մրցույթի կարգով:

Երևանի գեղարվեստի պետական ակադեմիան «համակարգչային գեղար-վեստական նախագծումե մասնագիտության մագիստրոսի կրթական ծրագրով մասնագետներ է պատրաստում ստեղծագործական, հետազոտական-նախագծային, փորձարարական, ուսումնա-մեթոդական, հրատարակչական, էլեկտրոնային գովազդի և բիզնեսի, համակարգչային գեղարվեստական նախագծային և այլ աշխատանքների համար: Մագիստրական ծրագիրը կազմված է մասնագիտական և տեսական-հետազոտական բաժիններից:

Մագիստրոսի աստիճանի ավարտական ատեստավորումն ըստ ուսանողի նախասիրության, կատարվում է մագիստրական թեզի կամ համակարգչային նախագծի պաշտպանության ձևով: Դիպլոմային նախագծի պաշտպանության դեպքում շրջանավարտը ներկայացնում է նաև ընդարձակ բացատրագիր կամ ներկայացված նախագծի հետ առնչվող հետազոտական ուսումնասիրություն (գրավոր): Ավարտական նախագծում պետք է արտահայտված լինեն ուսանողի ոչ միայն մասնագիտական գիտելիքները և ստեղծագործական կարողությունները, այլ նաև փորձարարական և հետազոտական աշխատանքի ունակությունները: Ավարտական նախագծի թեման, ծավալը, հաստատում է մասնագիտական ամբիոնը: Դիպլոմնիկին տրվում է դիպլոմային աշխատանքի ղեկավար, անհրաժեշտության դեպքում նաև մասնագետ-խորհրդատու, նշանակվում է ընդդիմախոս: