Որակավորման աստիճանը՝ գրաֆիկայի մագիստրոս: Ուսման ձևը՝ առկա: Մագիստրոսի որակավորման աստիճանի կրթական ծրագիրը կազմված է այդ մասնագիտության բակալավրի (ուսման տևողությունը 4 տարի) և մագիստրական ուսումնական ( տևողությունը 2 տարի) ծրագրերից:

Երևանի գեղարվեստի պետական ակադեմիան մաագիստրոսի աստիճանի մասնագետներ է պատրաստում գրաֆիկական արվեստի տարբեր ոլորտների, մասնավորապես՝ հետազոտական, ուսումնա – մեթոդական, ստեղծագործական, ազգային և համաշխարհային գրաֆիկական արվեստի զարգացման փորձի ուսումնասիրման, ընդհանրացման, գեղագիտական դաստիարակության և այլ ոլորտների համար:

Մագիստրոսի կրթական ծրագրի նպատակն է ուսանողների գրաֆիկական նյութերի միջոցով կոմպոզիցիոն բարդ աշխատանքների ստեղծման ունակությունների զարգացումը, գրաֆիկական ժամանակակից տեխնիկաների խորը ուսումնասիրությունը, հետազոտական և փորձարարական  կարողությունների   կատարելագործումը, միտքը ազատ Մագիստրոսի աստիճանի ավարտական ատեստավորումը (ըստ ուսանողի նախասիրության) կատարվում է մագիստրական թեզի կամ ստեղծագործական բարդ կոմպոզիցիոն աշխատանքի պաշտպանության ձևով: Կոմպոզիցիոն աշխատանքի դեպքում շրջանավարտը ներկայացնում է ընդարձակ բացատրագիր կամ պաշտպանության ներկայացրած աշխատանքի հետ առնչվող հետազոտական ուսումնասիրություն (գրավոր): Ավարտական աշխատանքում պետք է արտահայտված լինեն ուսանողի ոչ միայն ակադեմիական գիտելիքները և ստեղծագործական կարողությունները, այլ նաև հետազոտական աշխատանքի ունակությունները: Մագիստրական թեզի կամ կոմպոզիցիոն աշխատանքի պատրաստման համար շրջանավարտին տրվում է ղեկավար, նշանակվում է ընդդիմախոս: Անհրաժեշտության դեպքում նաև՝ բնորդ: Ավարտական աշխատանքի թեման, ծավալը, չափերը, հաստատում է համապատասխան ամբիոնը