Գեղանկարիչների վարպետաց դասը ուսանողներին

Երևանի գեղարվեստի ակադեմիայի 10 գեղանկարիչներ, որոնք այդ ուսումնական հաստատության անվանի դասախոսներ են, հոկտեմբերի 28-ին վարպետաց դաս տվեցին հաստատության ապագա գեղանկարիչ ուսանողներին։ Գեղանկարի ամբիոնի ճանաչված արվեստագետները ակադեմիայի «Ալբեր և Թովե Բոյաջյան» պատկերասրահում բացեցին իրենց խմբակային ցուցահանդեսը։

Կերպարվեստի ֆակուլտետի դեկան Խաչատուր Ազիզյանը, գունանկարի ամբիոնի վարիչ Անատոլի Գրիգորյանը, ազգային պատկերասրահի տնօրեն Փարավոն Միրզոյանը, հաստատության ռեկտոր Արամ Իսաբեկյանը, անվանի գեղանկարիչներ Էդուարդ Վարդանյանը, Ռուբեն Գաբրիելյանը, Մասիս Գրիգորյանը, Ժորա Հայրապետյանը, Վիլիկ Զաքարյանը և Գրիգոր Գեղամյանը հանդիսականների դատին են ներկայացրել 30 աշխատանք. յուրաքանչյուրը՝ երեքական գործ։

Արամ Իսաբեկյանի բացման խոսքից հետո երևույթը բարձր գնահատեցին արվեստաբան Վիգեն Ղազարյանը, գեղանկարիչ Վլադիմիր Սահակյանը և Հայաստանի նկարիչների միության նախագահ Կարեն Աղամյանը։ Իսկ Խ. Ազիզյանը մեր թղթակցի հետ զրույցում փոքր-ինչ հումորով ասաց. «Որպեսզի մեր ապագայի գեղանկարիչներն իմանան, որ իրենց համար մենք միայն «վարժապետներ» չենք, այլ նաև... նկարել գիտենք։

Հայաստանի Հանրապետություն, 2009 թթ.

ՀՀ մշակույթի վաստակավոր գործիչ, պրոֆեսոր

Էդիկ Վարդանյան

ՀՀ արվեստի վաստակավոր գործիչ,

ԵԳՊԱ ռեկտոր, պրոֆեսոր

Արամ Իսաբեկյան

 ՀՀ  վաստակավոր նկարիչ, գեղանկարչության ամբիոնի վարիչ, պրոֆեսոր

Անատոլի Գրիգորյան