Նունե Աղբալըանը ծնվել է Երևանում: 1982-ին ավարտել է Մոսկվայի պետական տեքստիլի ինստիտուտը: 1988-ից Հայաստանի Նկարիչների միության անդամ է: 1983 - ից դասավանդում է ԲՈՒՀ-երում: 1995-ից Պրոֆեսիոնալ նկարիչների միջազգային միության անդամ է: 2005 -ից Երևանի Գեղարվեստի պետական ակադեմիայի պրոֆեսոր է:

Մասնակցել է ավելի քան 80 ցուցահանդեսնի` Հայաստանում, Ռւսաստանում, ԱՄՆ-ում, Գերմանիայում, Ավստրիայում, Շվեդիայում, Ֆրանսիայում, և այլուր: Աշխատանքները ներկայացված են աշխարհի տարբեր երկրներոի թանգարաններում և մասնավոր հավաքածուներում: Ի սկզբանե բատիկն ու գործվածքի զարդանկարումն ընդունելով որպես  ուղեցույց, Նունե Աղբալյանը այլևս երբեք չդավաճանեց սեփական ընտրությանը: Ոչ թե չկարողացավ, այլ` չցանկացավ: Ներկերն ու մանածագործվածքը, բազմազան այլ գործվածքները նրան բացառիկ հնարավորություններ տվեցին, որոնք նա առավելագույնս օգտագործեց: Այդուհանդերձ` նա չէր սահմանափակվում ավանդական կանոններով և միջոցներով: Հարկ է նշել, որ հարյուրավոր աշխատանքների դեկորատիվ-սիմվոլիկ հորինումները մնում են չգերազանցված: Հիրավի գեղեցիկ են թե՛ ծաղկային հորինումները, թե՛  ձկներով, խեցիներով, հեքիաթային քաղաքներով, հրեշտակներով, և թե՛, հատկապես, հիասքանչ տիկնանցով հորինումնեհը: Նույնիսկ սովորական շշերը և տարբեր անոթները դառնում են մոտիվ նրբաճաշակ զարդանկարների համար:

Հիմնականում, հատկապես ազատ վրձնային զարդանկարումը եկավ փոխարինելու ավանդական բատիկին: Թեև այդ բաժանումը բավական պայմանական է, քանզի աշխատանքի ընթացքում նա կիրառում է տարբեր հմտություններ և հնարներ: Ի դեպ` նրա զարդանկարների մեծ մասը ծնվում է գործվածքի վրա, ստեղծագործելու պահին: Բացի  հսկայական պաննոյից, որը ստեղծվել է Երևանի քաղաքապետարանի պատվերով` շենքի ներքին հարդարման համար:

Պաննոն և կիրառական արվեստի գործերը ստեղծում են մաժորային տրամադրություն, և կյանքի գեղեցկությանը, բարուն և երազանքին,   ամենօրյա ուրախությանը համահունչ զգացմունքներ և մտքեր: Մեր դժվարին ժամանակներում դա բավական կարևոր է:

Նունե Աղբալյանի արվեստը տարիների ընթացքում, իհարկե փոփոխություններ է կրել, որը,  նույնիսկ կարելի է բաժանել փուլերի: Սակայն, ամեն դեպքում այն մնում է ամբողջական, ճանաչելի: Միայն թե  դարձել է ավելի նրբին, վիրտուոզ, երևակայությունը` ավելի անսանձ: Արդյունքում` նրա գործերն ընդունված են և պահանջված: Նունե Աղբալյանը և նրա կենսուրախ գործերը անկեղծորեն սիրված են մտերիմների և ընկերների, աշակերտների և հետնորդների կողմից, բոլոր նրանց կողմից, ում նա հաղորդակից է դարձրել իր ստեղծագործության պտուղներին: