• դասընթացներին ուսանողների հաճախումները
• առաջադրանքների կատարման քանակը և որակը
• սեմինար և պրակտիկ պարապմունքներին ուսանողների ակտիվությունը
• կուրսային առաջադրանքների և նախագծերի կատարման որակը
• դասընթացի ավարտական քննությունը /ստուգարքը
• հանձնարարված գրականության մշակումները
• կոմպոզիցիոն մտածողության ինքնատիպությունը և այլն:

Կիսամյակի ավարտին ԵԳՊԱ ուսանողների գնահատումը կատարվում է թվանշաններով, տառերով /ԿՓԵՀ գնահատական/ և արտահայտվում տոկոսային հարաբերությամբ:

Բոլոր դասընթացները գնահատվում են ըստ բերված աղյուսակի: Ուսումնական և արտադրական պրակտիկայում ուսանողների կատարած աշխատանքները գնահատվում են ըստ պրակտիկայի ղեկավարի հաշվետվության և ուսանողների ներկայացրած գործերի:

Անցողիկ շեմը 2.0-է կամ՝ E-ն.

«2.0»՝ «E» գնահատվում է ուսանողը եթե ինչ-որ չափով թերացել է մասնակցել լսարանային պարապմունքներին, ունի բացթողումներ, պահանջվող առաջադրանքները կատարել է միջին որակով, ներկայացրել է նվազագույն քանակի արտալսարանային աշխատանքներ, որոշ չափով մասնակցել է սեմինար և պրակտիկ աշխատանքներին, ավարտական քննությանը դրսևորել գիտելիքի բավարար մակարդակ:

«FX» - ստանում է ուսանողը եթե թերացել է դասընթացներին ակտիվ մասնակցելուց, բավարար չափով չի կատարել առաջադրանքները /կամ կատարել է դրանց միայն մի մասը/, սեմինար և պրակտիկ պարապմունքներին բավարար ակտիվություն չի ցուցաբերել, ավարտական քննությանը ներկայացրել է առաջադրանքների մի մասը կամ տեսական դասընթացների քննությանը պատասխանել է ոչ բոլոր հարցերին, թերի է մշակել հանձնարարված գրականությունը: Ամբիոնը հնարավորություն է տալիս այդ ուսանողին մինչև հաջորդ կիսամյակի առաջին ամսվա ավարտը բարելավել իր վիճակը և հանձնել դասընթացի ավարտական քննությունը:

«F» - ստանում է ուսանողը եթե գիտելիքների գնահատման նվազագույն շեմը /50%/ չի ապահովել: Դրական գնահատվելու համար ուսանողը պետք է կրկնի տվյալ դասընթացը, որից հետո միայն իրավունք կունենա հանձնել քննությունը:

Գնահատման ներկայացվող համակարգը չի տարածվում նախորդ տարիներին ընդունված ուսանողների վրա: