Որակավորումը` կերպարվեստի պատմության եվ տեսության բակալավր, ուսման ձևը` առկա, տևողությունը   4   տարի: Ընդունելությունը կատարվում է հայոց լեզվից, կերպարվեստի պատմությունից և տեսությունից (բանավոր և գրավոր) մրցութային քննությունների արդյունքներով:

Երևանի   գեղարվեստի     պետական     ակադեմիան  բակալավրի աստիճանի  կրթական ծրագրի  միջոցով արվեստաբանության գծով  մասնագետներ է պատրաստում գեղարվեստական քննադատության, թանգարանային և պատկերասրահային, մանկավարժական, արվեստի մենեջմենթի, տուրիզմի և այլ ոլորտների գործունեությունների  համար:

Արվեստագիտության  բակալավրի ավարտական  ատեստացիան կա-տարվում է դիպլոմային պաշտպանության  և ավարտական պետական քննության ձևով:

Բակալավրի դիպլլոմային աշխատանքն իրենից ներկայացնում է  կերպարվեստի, դեկորատիվ-կիրառական արվեստի  պատմության կամ տեսության  որևէ  թեմայի  ավարտուն  նախագիծ,     որտեղ    շրջանավարտը պետք է ցուցադրի տվյալ թեմայի վերաբերյալ նյութերի հավաքման, համակարգված շարադրման, խնդիրը գրագետ ձևակերպելու, տրամաբանական եզրահանգումներ անելու իր կարողությունները, ինչպես նաև ուսման չորս տարիներին ձեռք բերած իր մասնագիտական ունակությունները: Դիպլոմային աշխատանքի թեման, ծավալը հաստատում է մասնագիտական ամբիոնը: Վերջինս նշանակում է դիպլոմային աշխատանքի ղեկավար և ընդդիմախոս: Աշխատանքը ներկայացվում է պաշտպանության տպագիր և կազման ձևով: Դիպլոմային աշխատանքը պաշտպանության է թույլատրվում մասնագիտական ամբիոնի դրական կարծիքի դեպքում:

Պետական ավարտական քննության ծրագիրը ներառում է հայ և համաշխարհային կերպարվեստի, դեկորատիվ կիրառական արվեստի պատմության և տեսության առավել էական հիմնահարցերը: